Adil benasser - 10 - lmawaj al ghadarra لمواجْ لغْدارَة

يوم الخميس 03/10/2013 على القناة الثانية المغربية

لمْوَاجْ لْغْدَرَّةْ

لْمَّاجْ غْدْرَاتْ وْ لْمْرْكَبْ غْرْقَاتْ
لْعْيُونْ دْمْعَاتْ ’بْكَاتْ .. مْشَاتْ لْحْلَامْ مْشَاتْ
شْمُوعْ الأَمَلْ طْفَاتْ .. الدّْمُوعْ لْلعَيْنْ رْشَاتْ
يَا مْهَاجْرْ فْ السّْرْ ’ بِيكْ لْوْهَامْ غْدْرَاتْ
ضْحّيتْ بْلْعْمَرْ ’ مّْوَاجْ لْغْدَرْ مْا رْسَاتْ
يْا مْهَاجْرْ فْ السّْرْ ’ كُونْ كَانْ صْبَرْ
دْمْعْ فْ العِينْ مَا يْبَاتْ ..
صْبَرْ وْ زِيدْ صْبَرْ
كْيَّاتْ لْعْمَرْ مَا نْسَاتْ ..
فِينْ غَادِي تْهْجَرْ .. رَاهْ كْثَّرْ الضَّرْ
وْ لْوْهَامْ ذَاعْتْ وْ فْشَاتْ ..

فْشَاتْ فْشَاتْ السّرْ .. الدّْنْيَا تْسَاوَاتْ
وْلْدْ بْلَادِي لاَشْ تْهْجَرْ .. لْبْلَادْ حْلَاتْ
خْدَمْ’اجْتَهْدْ وْ صْبَرْ .. عَافْرْ’ عَاقْرْ وْ خْدَمْ
لَازْمْ لَازْمْ تْوْصَلْ .. وْ تْرْفَعْ تْرْفَعْ الذَّلْ
لَازْمْ صْبْحَكْ يْطَّلْ .. نُورْ جْهْدَكْ يْوْصَلْ
مْشْ لَازْمْ تْرْحَلْ .. فْبْلَادْكْ تْوْصَلْ

وْرَا الشَّطْ غِيرْ الذَّلْ .. غْرْبَة تْرَّشِي تْقْهَرْ
فِينْ حْنَانْ الظَّلْ .. مْحَالْ محَالْ تْصْبَرْ
كُولْشِي وْحَلْ حْصَلْ .. تْغْرَمْ فْوْهَامْ سْطَرْ
كْتْبْ الأَلمْ بْالذّْلْ .. مْحْقُورْ مْحْقُورْ يْمّْرْ
وْ صْبَاعْ النَّاسْ سْهَامْ .. مَا يْقْبَلْ الْحُرْ
فْبْلَادْكْ طِيرْ تْحَلَّقْ .. شَابْ جْمِيلْ مْتَأَلَّقْ
الصُّبْحْ كَانْ يْشَقْشَقْ .. يُومْ رَاهْ مْقَلَّقْ
ظُلمْ لْغْرْبَة مْوَثَّقْ .. سْوَلْ لْمْجَرَّبْ وْ عَلَّقْ

خَلِّيكْ لْبْلَادَكْ خْلِّيكْ .. رَاكْ كَنْزْ كْبِيرْ
لْبْلَادَكْ دِيرْ لِّي عْلِيكْ .. لَاشْ بْلَادْ لْغِيرْ؟
شْبَابي فْبْلَادِي وْرْدَة .. أَمَّا فْ الغُرْبَة عُقْدَة
بْلَادِي فْقَلْبي عُهْدَة .. تْعِيشْ عْسَلْ وْ شَهْدَة
صُبْحْنَا رَاهْ جْمِيلْ .. وْ لمْغْرِبْ مَا لِيهْ مْثِيلْ



عادل بناصر / الخميس 15:26 – 03 أكتوبر 2013 -