Amawas - Taghufi

Taghufi

Ddigh ur dari mad ak a winu ttinigh
Adar inu ar ittidu tasa nu kemmi n
Ad gis inghan igider lli kkusigh nekki n
Tayri nem tikessad inu ugigh ad rwelgh
Ndel sers ar nessa gis neffagh isuyas
Imeghza aragh qqazn gh isemdal nnagh
Inaghan f wiyyad ur jjin salan ur rmin
Ddigh ur dari mad ak a winu ttinigh
Igh nfel kra neddu han is nra ad t awigh
Ad didi ilin ur idda an drgh ssikeln agh
Ur rad sar naf nekki dis ad sul nsawal
Tengha iyyi taghufi wakha yuf an ur adugh
Ad akw ur tennit id is kwen ttugh ur ufigh
Ighra iyyi kra iqqan agh d ad t lkemgh nfelk
Ddigh ur dari mad ak a winu ttinigh
Igh teddit dar usagm kti d is ak nnigh
Imun unzar d tagut gh ulawn kigan
Ass nna bdan issudu unzar akal nnagh
Ibbaqi d wakal iger s tudert neg amud
Imettawn n tagut igh taggug agh assan
Nekki d im ar nessa win tittit igum agh
Ddigh ur dari mad ak a winu ttinigh
Tgit andaru lligh atlalan igadren
Ur ssingh aylligh nestara timizar
Kemmi n ur tssent nghal is a ten tneqqat
Neffugh nesgutti kigan nger s unaruz
Nghal is naggug nmun bedda gh ugharas
Neqqel s unzar d tagut ad bdun nmun
Kigan ad netini ghemk ur jjit urigh
Gh ass ad gh turigh ha tabrat inu tlkem n


Ali Sedqi Azayku