Wael jassar - Esmi anas

اسمي أنس على اسم سيدنا أنس راوي الحديث ويا دوب أنا ف سن البلوغ وباتروش.. لما باشوف البنات بيضحكوا على شنبي الرُفَيَّع الخفيف ترقيني أمي كل يوم م الحاسدين ومن قساوة المخبرين وتقول عَليّ ابن موت وملاك جميل.. والموت يا أمي مستحيل.. يجيب عيال الموت يموت.. لو يشوف ضحكتي لما باخطف الفرح من بُق بُومَه أو غُراب.. أو كلب أسود مفتري.. ومن أفندي بينكسف من بدلته وجزمته.. وياقة القميص اللي دابت م الغسيل ونسّلتْ.. وأنا غني ومش فقير يمكن أكتر م الملوك من غير كنوز